.jpg)
المصيبة ان ديه رابع مرة تنزل فيها تسعيرة جديدة للادويه خلا ل 3شهور وغالبيه الادويه ديه من اللى بيعتمد عليها محدودى الدخل خصوصا التسعيره اللى نزلت من شهر وارتفع فيها اسعار 75صنف من الادوية واللى احنا بنطلق علها شعبى وديه الادوية الرخيصة وخصوصا المضادات الحيويةمن قائمة(الفلوكاموكس وخلافه) وديه الادويه اللى بيعتمد عليها الفقراء فى علاج مرضاهم عشان الادويه التانيه اسعارها اضعاف سعر الادويه الشعبيه ديه
وكمان ايه ممنوع على اى صيدلى انه يبيع اى صنف من اللى غليوا بالسعر القديم ولو الرقابه الدوائيه عرفت يتعرض للمخالفة والمسائلة القانونية......حاجة غريبه طبعا....ومفيش صيدلي طبعا هيبع بالسعرالقديم كله ماصدق..... الا مارحم ربى
وزى ماقولت ان الصيادله مخزنين عندهم كميات يعنى هيكسبو اضعاف وياولداه على المواطن المطحون من غلاء الاسعار حتى الدواء
وكمان اى دوا بيغلى مبيلقش الفرق عن 6او7جنيه يعنى فيه دوا اسمه فلوموكس 500 مضاد حيوى كان ب12جنيه العلبة دلوقتىبقا ب18جنيه .....ده يرضى ربنا....
طب بالله عليكم الموظف الغلبان المطحون المحسور فى وظيفته لو تعب شويه هيعمل ايه
هيصرف قد ايه طب افترضنا انه هيكشف فى مستوصف ب5 جنيه طب والعلاج....
انا والله ماعارف هيعمل ايه ...وكل شويه نلاقى مقال فى جرايد الحكومة والمعارضه بطالب باغلاق مخازن توزيع الادويه عشان الادويه اللى بتروح للصيدلى ملهاش فواتير رسميه وكده الدوله مش هتحصل ضرايب من الصيدلى طب ليه بعض الجرايد مبتكتبش عن الارتفاع المستمر للدواء؟........سؤال اطرحه على جميع الاخوة المدونين وجميع زوار المدونة
انا مش هقول حلول للجهات المختصةعشان هتضرب بيها عرض الحائط بس هقول حاجة تانيه.....كل واحد فينا اكيد ليه واحد قريبه جاره فى الشارع بتاعه واكيد موجود مش لاقى يجيب دوا ممن يساعده ويجابله الدوا ده وهيكون اجره كبير قوى عند ربنا سبحاته وتعالى"ومننساش الحديث اللى بيقول من فرج عن مسلم كربة من كرب الدنيا فرج الله عنه كربة من كرب يوم القيامه...وكمان خير الناس انفعهم للناس...صدق رسوال الله عليه وسلم"
ياجماعة الامر صعب قوى فى ناس مش لاقيه بجد حق الدوا وخاصه الامهات اللى بيلفوا على كعوبهم عشان يجيبوا اللبن المدعم لاطفالهم وبيدوهم ينسون وكروايه بدل من اللبن عشان طبعا علبه اللبن اللى مش مدعم ب25جنيه والمدعمه ب3وربع
وده بيخلى الاطفال يصابوا بسوء تغذيه وتلبكات معوية وكل ده بسبب اصحاب الضمائر الخربة اللى بيبعوا اللبن المدعم بضعف تمنه لمحلات الحلويات....المشكله كبيرةقوى....عشان كده لازم كلنا نساعد اللى مش قادر يجيب العلاج
وهو ده السبب اللى خلانى اكتب التدوينة ديه....وبعتذر عن الاطالة
على خير نلتقى ........والله ولى التوفيق
6 comments:
جزاك الله خيرا والله يا محمد الموضوع محير جدا
بين القيام بتضميد جراح إخواننا المطحونين من المواطنين اللي هو احنا منهم
وأحيانا يواسي الفقير الفقير
وهذا ما يدفع هؤلاء المتسلطين إلى مزيد من الضغط على المواطنين المطحونين وذلك استنادا لقيامنا بدورهم والله موضوع محير رغم أني وأنت ونحن نقم به ولكنها غصة في حلوقنا
استمرارهم في التورم والفقراء يسكتون يتلهفون إلى من يغيثهم من إخوانهم وثروات القوم تتورم يوما بعد يوم
حسبنا الله ونعم الوكيل
محمد باشا علي
أولا تهاني الحاره لدخولك عالم التدوين
ثانيا
معلش سامحني في مثل بينقح على لازم أقوله على السؤال اللي انت سألته
"ساب الحمار واتشطر على البردعه "..معلش انا عارف انك هتقول مين اللي بادئها قبيح كده
بس انت بتتكلم على الممارسات الحكوميه في مصر يبقى مينفعش اتكلم كويس
كان الله لمصر
ولك كل الود
لا حول ولا قوة إلا بالله
إنا لله وإنا إليه راجعون
بجد والله افتراء اللى بيحصل ده .. أنا مش عارفه بمعدل ارتفاع أسعار كل حاجة .. كل حاجة .. الناس حتروح لفين بعد كده ؟؟
بجد مش عارفه ؟
اخ عصفور....طبعا احنا اه من الطبقة ديه بس احنا والحمد لله ياما يتعب واحد فينا بنقدر نواجه مصاريف علاجة بس والله فى ناس بتموت عشان مش لاقيه العلاج...هقولك على موقف عمرى ماهنساه(كنت وانا بتدرب فى جمعية رساله فيصل نزلنا نعمل استكشاف فى احدى القرى المجاورة للهرم فى جولتنا على البيوت للتعرف على احوال اهل القرية روحنا لاسرة كل ياما اسئل الست انها مححتاجة حاجةولا لا تقول مستورة والحمد لله سالناها حد عيان عندك قالت بنتى عندها سرطان فى العظام كان عندها اربع سنين والله مسكت نفسى بالعافيه عشان مبكيش قدامها وهزنى ثبات الام قولنالها عالجتوها قالت ودناها شوية المستشفى وبعد كده ابوها قال متروحوش تانى وربنا يرحمها) تخيل الموقف احنا مش هنقف نتفرج طبعا لازمحاول نقدم اى مساعدة للناس دول حتى لوكانت بسيطة اكيد هتكون مفيدة وخصوصا الذين تحسبهم اغنياء من التعفف....والى هينفجروا من كتر جمع الفلوس ليهم ربنا...والله ولى التوفيق.
مرحب بيك يادكتور "حر" على تشريفك المدونة وانا فهمت قصدك من الكلام ..."NO COMMENT"وليك كل التحية
...والله ولى التوفيق
صح يا اخت مها انا لله وانا اليه راجعون
ومش عارف بعد الغاء الدعم هنعمل ايه اكيد اكيد ربنا مش هيسابنا....وزى مماواحدقالى النهاردة انت بتكلم على الدوا اللى غلى ماكل حاجة غليت الزيت بقى ب8جنيه والسكر والرز والمكرونة مش عارف بكام..وختم كلامه وقال كل حاجة بتغلى الا احنا بنرخص...ولا حول ولا قوة الا بالله..والله ولى التوفيق.
Post a Comment