مبرووووووووك يا مصر

مبروك لمصر ولكل المصريين على الفوز الجميل والهايل

الى حققه المنتخب من ساعات قليلة

مبروك على الجهد الرائع والاداء الجميل اللى ظهروا عليه لاعيبتنا فى البطوله

مبروك لحسن شحاته الراجل الطيب الخلوق ابن البلد المتواضع على مشاركته

فى رسم ابتسامة ولو بسيطة على وجوه المصرييين البسطاء

اللى مبيصدقوا المنتخب يكسب عشان يفرحوا ويخرجوا من حالة الكأبة والتكشيرة اللى مابتفارقش وشهم

تابيانا بجد كنت فرحان بفوز المنتخب والاداء الرجولى للعيبة وكمان المشهد الرائع لللاعيبة بالسجود لله شكرا بعد كل هدف يحرزوه وده انا شايفه اعلان عالمى للمسلمين يشوفه الغرب وميبصولناش على اننا ارهابيين وسفاكين للدماء

والجمال فى تواضع لاعيبة زى ابوتريكة والفرحة المتزنة اللى بيكون عليها فى كل المباريات

انا عارف ان فوز المنتخب جى فى وقت اخونا فى فلسطين لا يزالون تحت الحصارولكن هم دائما فى قلبى ولسانى لا يتوقف عن ا لدعاء لهم اكثر من اى شئ

فى مظاهر كتير للفرحة شوفتها وانا راجع من الشغل من حوالى ساعة ولكن للأسف سلبية والاكثر سلبية كانت فى وقت المبارة كانت المساجد غير ممتلئة بالمصلين فى صلاة العشاء

انا بشوف ان الفرحة لا تلهينا عن ذكر الله

ربنا يثبتناجميعا على الحق

ومبروك مرة تانية لمصر

ويارب يجى اليوم اللى اقول فيه مبروك على تحرير الاقصى وبغداد وكل بلاد المسلمين

على خير نلتقى..........والله ولى التوفيق.